Куыд цæттæ стæм?

Уæрæсейы бон кæд нырма æрыгон бæрæгбоныл нымад у, уæддæр бирæтæн уарзон сси. Алыхуызон организацитæ æмæ ведомствæтæ бацæттæ кæнынц цымыдисаг программæтæ, концерттæ, равдыстытæ, ирхæфсæн мадзæлттæ. Ацы хатт дæр Дзæуджыхъæуы уыдзæн хъæздыг программæ. Уæрæсейы боны кадæн бæрæгбоны сæйраг мадзæлттæ райдайдзысты ам - Дзæуджыхъæуы центрон парчы. 11 сахатыл республикæйы цæрджыты суазæг кæндзæн гастрономон фестиваль. Алкæй бон канд хæринæгтæй саходæн нæ уыдзæн, фæлæ ма сæ куыд цæттæ кæнынц, уый фенын. Парчы 30 ирхæфсæн æмæ культурон фæзæй фылдæр кусдзæн. Дзæуджыхъæуы администрацийы культурæйы управленийы хицау Мæрзойты Руслан: «Концерттæ чи уарзы, уыдоны зæрдæтæ тынг барухс уыдзыс ты. Хъæздыг программæ бацæттæ кодтам. Культурæйы министрады хъæппæрисæй уыдзæн фестиваль «Ирон зарæг». Национ хъуыддæгты фæдыл министрад бацæттæ кодта концерт «Фыдыбæстæйыл зарджытæ». Сывæллæтты вокалон-инструменталон ансамбль та равдисдзæн «Нæ сабибонты зарджыты» концерт. Фкенæн ма уыдзæн национ уæлæдарæсы равдыст». Кæстæр кары сывæллæттæн та кæдæмм ацæуой, ууыл бирæ хъуыды кæндзысты. Уымæн æмæ сын ирхæфсæн мадзæлттæ бирæ уыдзæн. Æнæхъæн бон семæ хъаздзысты аниматортæ, араздзысты сын хъæлдзæг ерыстæ æмæ ахуыртæ. Изæры та уыдзæн классикон музыкæйы стыр концерт. уыдзæн гом арвы бын. Горæты сæйраг фæзыл сфидар кодтой сценæ æмæ дзы Мариинаг театры филиалы оркестр абон райдыдта репетицитæ кæнын. Ахæм концерт республикæйы фыццаг хатт уыдзæн. Йæ саразыны хъæппæрис уыд Дзæуджыхъæуы администрацимæ, фæлæ йæ фарс иууылдæр рахæцыдысты. Фæцыд Мариинаг театры артисты зæрдæмæ дæр. Ныр сæ курдиатæй барæвдаудзысты се ппæты дæр. Концерт аразджытæ зæгъынц – Уæрæсейы боны Дзæуджыхъæуы сæйраг фæзыл Мариинаг театры артисттæ равдсдзысты 2 сахаты концерт. Бадæн бынæттæ та сæвæрдзысты амфитеатры хуызы. Уымæ гæсгæ фæстаг рæгъты чи бады, уыдонмæ дæр сценæ хорз зындзæн. Зæлынад та иттæг хорз уыдзæн. Ууыл бацархайдтой Ростовæй хуынд специалисттæ. Изæры та уыдзæн фейерверк. Зæгъдзыстæм уый дæр æмæ бæрæгбон уыдзæн, цыфæнды боны хъæд куы уа, уæддæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv