Давид Григоряны куыстыты равдыст байгом Национ наукон чиныгдоны. Фенæн дзы ис 30 нывмæ хæстæг. Сæ тематикæ дæр у алыхуызон: æрдз, портреттæ æмæ ма суанг политикæ дæр. Куыстытæ конд сты алы жанрты - нывкæнынад, графикæ æмæ æндæртæ. Нывгæнæджы ныхæстæм гæсгæ, йæ куыстыты æвдисы йе 'нкъарæнтæ. Уымæй уæлдай ма хицæн равдысты 'руаджы фæлтæры йæ дæсныйад. Раздæр равдыстытæ арæзта æрмæст дæр искæйтимæ. Ныртææккæ Давид Григорян парахат кæны йæ коллекци. Иннæ хатт равæрынмæ хъавы 50 куыстæй фылдæр.