Дзанайты Барис ма фембæлд Уæрæсейы рухстауынады министрады инфраструктурæйы рæзты департаменты директор Ирина Шварцманимæ. Уый кусæг балцы ис нæ республикæйы. Ныхас цыд, Цæгат Ирыстоны скъолаты системæйы модернизаци куыд æххæстгонд цæуы, ууыл. Сæрмагондæй æрдзырдтой скъолаты бындурон цалцæджы фарстайыл. Ирина Шварцман куыд фæбæрæг кодта, афтæмæй нæ республикæ уыцы егъау проекты æнтыстджынæй архайы. 2022-æм - 2023-æм азты хъуамæ Цæгат Ирыстоны бындуронæй сцалцæг кæной 66 скъолайы. Ныридæгæн дзы фесты 35. 2024-æм - 2025-æм азты та базилдзысты 20 скъоламæ. Ноджы ма 76 скъолайы тыххæй курдиат балæвæрдтой. Премьер куыд загъта, афтæмæй ахуырады системæйы райрæзтмæ Цæгат Ирыстоны хицауад здахы уæлдай ӕргом. Сæйраг хæс у æмблгæ уавæртæ ахуырдзаутæ æмæ ахуыргæнджытæн æгас республикæйы дæр саразын.