Рæстдзинад агурынц

Республикæйы физикон-математикон лицейы раздæры директор Франкель Магомедовы сæрыл чи хæцы, уыдон сарæзтой флешмоб. Адæм æрымбырд сты скъолайы кæрты. Хæст сты иу хъуыдыйыл – Франкель Магамедовы скъолайы директоры бынаты фæстæмæ сæвæрын. Сæ ныхæстæм гæсгæ, ахæм разамонæгимæ скъолайы фидæныл ныфс нæ асæтдзæн. Æрныхас кодтой сæрмагонд къамисы куысты тыххæй дæр. Йæ уæнгтæ уыдзысты алыхуызон æмвæзады специалисттæ. Къамис хъуамæ бæстонæй æркæса фарстамæ æмæ раст уынаффæ рахæсса. Уымæй уæлдай ма ныййарджытæ Дзæуджыхъæуы администрацимæ бахастой курдиат, закъонмæ гæсгæ, митинг саразын. Уæ зæрдыл уын æрлæууын кæндзыстæм, Франкель Магамедовы йæ бынатæй сисины уынаффæ рахаста Цæгат Ирыстоны ахуырад æмæ наукæйы министр 25 октябры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv