Дзæуджыхъæуы аивæдты училищæйы бæстыхай банымадтой регионы культурон бынты объектыл

Дзæуджыхъæуы аивæдты училищæйы бæстыхай банымадтой регионы культурон бынты объектыл. Сæрмагонд бардзырд бафыста Культурон нысаниуæгимæ объекттæ бахъæхъæныны æмæ пайда кæныны фæдыл комитеты сæрдар Гæлуаты Ацæмæз. Документ ныммыхуыр кодтой барадон информацийы порталы. Тексты куыд фæнысан кодтой, афтæмæй Аивадон-промышленнон техникон скъолайы Цæгат Ирыстоны культурон бынты объекты хыгъдæй айстой. Уыимæ ма, фӕндаггон бастдзинады Кавказаг зылды Теркаг хайады хӕдзар дӕр бахастой регионалон нысаниуæгимæ культурон бынты объектты паддзахадон иумæйаг реестрмæ. Бафтаудзыстæм ма уый, æмæ ныртæккæ Марковы номыл уынджы 26 хæдзары æрбынат кодта Дзæуджыхъæуы Дзанайты Азанбеджы номыл нывкæнынады училищæ.