Сергей Меняйло архайдта Уæрæсейы энергетикæйы министрады æмбырды

Республикæйы сæргълæууæджы хæстæ рæстæгмæ æххæстгæнæг Сергей Меняйло архайдта Уæрæсейы энергетикæйы министрады æмбырды. Амыдта йæ министр Николай Шульгинов. Архайдтой дзы дзуапдæттæг хицауады федералон оргæнты минæвæрттæ, Уæрæсейы регионты разамонджытæ. Уæлдай æргом Сергей Меняйло аздæхта, республикæйы электрон тыхдæттæг компани кæй аивта, уымæ. Уæ зæрдыл уын æрлæууын кæндзыстæм, «Севкавказэнерго»-йы кæй суæгъд кодтой уыцы бартæй. Æмæ ныр ацы хъуыддагæн 12 мæйы дæргъы дзуапп дæтдзæн «Россети Северный Кавказ». Зæгъын ма хъæуы уый, æмæ раздæры куыстуат адæмæн уавӕр нæ бамбарын кодта. Нал куыста, афтæмæй уæддæр цæрджытæй электрон тыхæн фиддонтæ иста. Кæд æмæ уыцы куыст хъуамæ æххæст кодтаид «Россети Северный Кавказ». Ацы хъуыддаджы фæдыл цæрджытæм сæвзæрд фарстатæ. Уыимæ ма Сергей Меняйло æмбырды рахаста фæндон республикæйы энергетикæйы объектты фыдбылызæй бахизынæн тренировкæтæ скæнын, цæмæй сбæрæг уа ацы къабазы хæдзарады цæттæдзинад хъармгæнæн сезонмæ. Сергей Меняйло бабар кодта бæрнон структурæтæн электрон хызæгты хæдзарады инвентаризаци скæнын дæр. Цæттæдзинады паспорттæ чи нæ райса, уыдоны та фæивар кæнын административон æгъдауæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv