Стыр бæрæгбонмæ цæттæ кæныны мадзæлттæ

Республикæйы сæргълæууæг Битарты Вячеслав фембæлд Мæскуыйы æмæ Уæрæсейы Патриарх Кириллимæ. Ныхас кодтой, Аланийыл дзуæрттæ бафтауыныл 1100 бæрæгбоны мадзæлттæ куыд хуыздæр арвитой, ууыл. Фембæлды ма архайдтой УФ-йы президенты цур Цæгат Ирыстоны æххæстбарджын минæвар Дзанайты Барис, стæй Дзæуджыхъæуккаг æмæ Мæскуыйаг алчер Леонид. Бæрæгбоны мадзæлттæ цæудзысты 2022 азы. Стыр историон æмæ культурон нысаниуæг ын ис. Уыимæ канд Ирыстоны цæрджытæн нæ. Дзæуджыхъæуккаг æмæ Алайнаг епархи бацæттæ кодта бæрæгбæтты мадзæлтты пълан, сарæзтой организацион комитет æмæ кусæг къорд. Патриарх Кирилл се `ппæтæн дæр арфæ кодта, цæмæй сæ хъуыддæгтæ рæстмæ кæной æмæ нысангонд фæндтæ сæ къухы бафтой, уый тыххæй. «Фидаргонд программæ ахъаз уыдзæн культурон цардæн. Йæ фæрцы базилæн æмæ рацаразæн уыдзæн историон æмæ культурон нысаниуæг кæмæн ис, уыцы бæстыхæйттæм» - загъта Патриарх. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv