Турчы цæрæг ирон адæммæ сæ лæвар фæхæццæ

Турчы цæрæг ирон адæммæ сæ лæвар фæхæццæ. Ракодта сын æй нæ республикæйы сæргълæууæг Битарты Вячеслав. У скульптурæйы хуызы конд. Хабары тыххæй та нын фехъусын кодта æхсæнад «Алан»-ы сæрдар Хъуысаты Садреттин. Куыд радзырдта, афтæмæй мадзалы тыххæй сæрмагондæй æрæмбырд сты. Сарæзтой хъазт, абадтысты фынгыл дæр. Зæгъын хъæуы уый, æмæ Битары-фырт йæ лæвар ракодта иу мæймæ `ввахс æмгъуыды размæ. Фæлæ нывæфтыд хæдтæхæгмæ бахæссæн кæй нæ уыд, уый тыххæй сæм нырма ныр фæхæццæ. Турчы цæрæг ирон адæмы `хсæнады разамынды минæвæрттæ куыд фæнысан кодтой, афтæмæй сын Битарты Вячеславы æрхъуыды ахсджиаг у. Уыцы фæтк ныридæгæн фæкæны иудадзыгон. Сæ изæрмæ Турчы цæрæг ирон адæм æрбахуыдтой кавказаг æндæр адæмыхæттыты минæвæртты дæр. Зæрдиагæй бацин кодтой уыдон дæр не `мфыдыбæстæйæгты хорзæхыл. Уæдæ сæ ирон уæздан кафты аив уæнгты айст та уæлдай дисы бафтыдта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv