Мысæн бон

Абон Дзæуджыхъæуы æрымысыдысты æфсæддон хæс Афганистаны цы салдæттæ æххæст кодтой, уыдоны. 27 декабры 1979 азы советон æфсад дард Афганмæ абалц кодта сæ интернационалон хæс сæххæст кæнынмæ. Дзæуджыхъæуы, Афганы хæсты чи фæмард, уыдоны цыртмæ дидинджытæ æрбахастой сæ хиуæттæ,æмбæлттæ æмæ ветеранты Цæдисы минæвæрттæ. Ирыстонæй бирæ рацæугæ хъæбатыртæ Афганистаны цæрджыты æдасдзинад æмæ сабырдзинады сæраппонд сæ цард нæ бавгъау кодтой. 1200 адæймагмæ дзы æфсадмæ фæсидтысты, уыдонæй 58 - æй фæстæмæ нал сыздæхтысты. Ацы тугкалæн хæст цыд 9 азмæ ввахс. Фæмардысты дзы 15 мин советон хæстонæй фылдæр. Дзæуджыхъæуы Афгайнаг скверы та хæстæгдæр рæстæг фæнд кæнынц намысы мемориал саразын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv