Æппæтуæрæсеон адæмон фронты уæнгтæ сбæрæг кодтой Дзæуджыхъæуы скъолаты аходæнты хæрзхъæддзинад

Скъолаты хъарм хæринаг дæттыны фæткмæ æппынæдзух сæ хъус дарынц Æппæтурæсеон адæмон фронты минæвæрттæ. Уыдон арæх рацæуынц рейдты. Бæлвырд кæнынц меню арæзт æмæ хæринаджы хæрзхъæддзинад. Ацы хатт федтой Дзæуджыхъæуы 43-æм скъолайы хæрæндоны куыстмæ. Рейды фронты уæнгтимæ архайдта не сфæлдыстадон къорд дæр. Карчы дзидза хæрзфыхæй, макъаронтæ, цай. 43-ӕм скъолайы цæттæ кæнынц райсомы хæрдмæ. Куыддæр дзæнгæрæг азæлы, афтæ хæрæндон сывæллæттæй айдзаг вæййы. Закъонмæ гæсгæ ахуырдзаутæн æнæмæнг хъуамæ бон иу хатт лӕвӕрд цӕуа хъарм хæринаг. Меню скӕнынц 10 бонмæ. Сихоры хæрды — хъæрмхуыпп, гарнир дзул, тæвд нуазинаг æмæ дыргътæ. Æппæт продукттæй дæр сæ ифтонг кæны комбинат. Æмбæлгæ уагыл æххæстгонд хъуамæ цæуа гæххæттытимæ куыст дæр. Сæрмагонд журналы хъуамæ фыссой кусæнгæрзты температурæ, нысан кæной дезинфекцийы рæстæг дæр. Тæвд хæринагæй æххæст сты 14-ӕм скъолайы ахуырдзаутæ дæр. Ам дæр, иннæ скъолаты хуызӕн, зæрдæхсаинаг у æрмæстдæр иу хъуыддаг. Сывæллæттæ кæсаг æвзæр хæрынц. Раздæр-иу æй фынгтыл æнæхъæнæй æрæвæрдтой. Уый ныййарджыты зæрдæмæ нæ цыд. Бахъаст кодтой æмæ уый фæстæ кæссаг ссæндын райдыдтой. Фæлæ уавæр нæ аивта. Ацы фарстайыл ныр Æппæтуæрæсеон адæмон фронты минæвæрттæ фæнд кæнынц сæрмагондæй комбинатимæ бакусын. Алы бон дæр бæрæг кæнынц скъолатæ. Специалистæ басгæрсты фæлгæты уайдзæфтæ никæмæн скодтой. Хæринæгтæ тæвдæй æрæвæынц скъоладзауты раз, фæткмæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv