Гусалты Зæринæйы абон схæццæ кодтой медицинон академийы клиникон рынчындонмæ

Нæ республикæйы мидхъуыддæгты министрады министр Михаил Скоковы хъæппæрисæй абон ацæргæ сылгоймаг Гусалты Зæринæйы абон схæццæ кодтой медицинон академийы клиникон рынчындонмæ, кардиологон хайадмæ. Ныридæгæн ын аразынц дзæбæхгæнæн мадзæлттæ. Дохтырты ныхæстæм гæсгæ , йæ цардæн тæссаг ницы у.  Уæ зæрдыл уын æрлæууын кæндзыстæм, цалдæр боны размæ 83 аздзыд пенсиисæджы рафыстой медицинон уагдонæй. Афтæмæй ма йæ бахъуыд операцийы фæстæ реабилитаци ацæуын. Куыд ма хъусын кодтой, афтæмæй иунæг цæрæг пенсиисæг 1964 азæй 1965 азы онг куыста мидхъуыддæгты министрады. Идæдз сылгоймагмæ цæстдард нæ республикæйы мидхъуыддæгты министрад ныр бакодта йæхи бæрны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv