Æвзаргæдæртæ

Абон, 5-æм апрелы сæ гуырæнбон бæрæг кæнынц тæхджыты къорд «Русские витязи»-йы уæнгтæ. Сæ ном сын чи нæ зоны, иу ахæм адæймаг, æвæццæгæн, канд нæ бæстæйы нæ, фæлæ æгас Зæххы къорийыл дæр нæй. Цыфæнды кадджын мадзалы дæр зæрдиагæй фæархайынц æмæ сыл адæм сæ цæст æрæвæрынц. Раст мæнæ сымах цæстытæ нæ егъау экраныл куыд аныхæстысты, афтæ. Къорды тæхджытæ сты, сæ дæсныйады æмбал кæмæн нæй, ахæмтæ. Цы нæ хæрзиуæг рамбылдтой, ахæм нал баззад. Цы хæдтæхджытыл бадынц, уыдоны разæй дæр уæдæ сæ техникон миниуджытæм гæсгæ ничима фæцис. Ацы авиацион къорд равзæрд Советон Цæдисы, 1991-æм азы. Уæдæй нырмæ сæ уæлдæфон арæхстдзинæдтæ равдыстой дунейы алы кæрæтты. Уымæй æнæфæцудгæ кад скодтой Уæрæсейæн, йæ гæрзифтонг тыхтæн, æфсæддон-промышленнон комплексæн æнæхъæнæй. Уæлдæфы уæвгæйæ, тæхджытæ цы фигурæтæй равдисынц, уыдонмæ сæ ныфс иунæг бæстæйы дæр нæ хæссынц, сæ тъæпп зæххыл фæцæудзæн, зæгъгæ. Арæхстджын кæй сты æмæ сæ æййафæг кæй нæй, уый тыххæй сын сæ азфысты `мгъуыдмæ саккаг кодтой бирæ хæрзиуджытæ. Сæ равзæрдæй дыууæ азы рацыд, афтæмæй сын нæ иннæ номдзыд авиацион къорд «Стрижи»-имæ радтой Фыдыбæстæйы Стыр хæсты кадджындæр хъæбатыртæй иу Иван Кожедубы ном. Хорз хъуыддаг ма уый у, æмæ сæ арæхстдзинæдтæ канд æвдисгæ нæ кæнынц. Рæдауæй сæ уарынц, гæрзифтонг тыхты цы ног тæхджытæ фæзыны, уыдоныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv