Азымджынæн - ивар!

Дзæуджыхъæуы 18-аздзыд цæрæг хъуамæ бафида ивар, нацистон нысæнттæ Интернеты кæй парахат кодта, уый тыххæй. Ахæм уынаффæ йын рахаста тæрхондон. Йæ митæй фехæлдта экстремистон архайды ныхмæ тох кæныны закъоны уагæвæрдтæ. Хабары тыххæй фехъусын кодта портал «15-æм Регион» барадхъахъхъæнджыты информацийыл æнцайгæйæ. Куыд рабæрæг, афтæмæй æрыгон лæппу йæ социалон хызæджы равæрдта иу видеоскъуыддзаг. Иуæй-иу кадрты дзы фенæн уыдис фашистон свастикæ. Афтæмæй та уыцы символтæн Уæрæсейы закъонмæ гæсгæ бынат нæй. Уæ зæрдыл уын лæууын кæнæм, амынд барадхæлдæн йе `фхæрды хуыз у административон. Тæрхондоны æмбырды лæппу йæ рæдыдыл басаст, æмæ йæм уый тæрхонгæнæджы зæрдæ фæфæлмæн кодта. Ныр хъуамæ бафида ивар. Уæвгæ куы нæ фæлæууа, æмæ ма дыккаг хатт исты ахæм митæ куы равдиса, уæд æй дзуапп дæттын бахъæудзæн уголовон æгъдауæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv