Бæллицтимæ чызг

Дзæуджыхъæуы фыццаг хатт равдыстой Дзебысаты Орнеллæйыл ист киноныв. Документалон кинойы сæйраг хъайтар райгуырд церебралон параличимæ. Киноныв хуыйны «Хочу быть президентом», зæгъгæ. Æвдыст дзы цæуы Орнеллæйы цардæй иу бон. Чызг у 13-аздзыд, ахуыр кæны скъолайы. Уымæй уæлдай цæуы кæфтыты секцимæ, фыссы æмдзæвгæтæ æмæ уарзы зарын. Йæ дардмæ фæндтæй иу у Уæрæсейы президент суæвын. Хъуамæ, дам, адæмы цард фæхуыздæр кæнон. Уый у йæ сæйраг бæллиц. Зындгонд режиссер Гулуты Вячеслав куы базонгæ чызгимæ, уæд æм фæзынд документалон киноныв сисыны фæнд. Премьерæмæ æрбацыдысты Орнеллæйы хæлæрттæ æмæ æмкъласонтæ. Киноныв у 30 минутæй чысыл фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv