Дæргъæвсы зæппæдзтæ бахаудысты сæрмагонд хыгъдмæ

Дæргъæвсы зæппæдзтæ бахаудысты, бæлццæттæ бабæрæг кæнынмæ кæдæм тырнынц æмæ сæ фенынмæ кæмæ бæллынц, уыцы объектты хыгъдмæ. Уæрæсейаг сервис Tvil.ru æрфарста социалон хызæгты пайдагæнджыты, кæдæм сæ фæнды балцы ацæуын 2020 азы, зæгъгæ. Дæргъæвсы зæппæдзтæ Словецкы моладзандонимæ бацахстой 7-8 бынæттæ. Зæппæдзтыл схъæлæс кодтой респондентты 2,38%. Рейтинджы фыццаг бынат райста цад Байкал, Иркутскы облæст æмæ Бурятийы. Дыккаг бынат бацахста уардихуыз цад Сасык-Сиваш Хъырымы, схъæлæс ыл кодтой 29%. Уæрæсейæгтæ ма хи цæстæй фенын бæллынц Карелийы хæххон парк Рускеала, уыимæ хъæу Тераберка, Мурманскы облæсты æмæ фæдзæхст бынат Утраш, Краснодары крайы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv