«Легенды Эльбруса» автомобилон маршрут цæудзæн Цæгат Ирыстоны уылты

«Легенды Эльбруса», зæгъгæ, автомобилон маршрут ацæудзæн республикæйы. Цæгат Кавказы кусынц туристон балцвæды райрæзтыл. «Легенды Эльбруса» аххæсдзæн цыппар регионыл. Уый тыххæй хъусын кæны «Горная Россия», зæгъгæ, автомобилон туризмы Ассоциацийы Цæгат Кавказы хайады разамонæг Темиржан Байсиев. Автомобилон туризмы Ассоциаци курдиат балæвæрдта, цæмæй хæдтулгæты балцвæды нысангонд æрцæуой Кæсæг-Балхъар, Хъæрæсе-Черкес, Цæгат Ирыстон æмæ Стъараполы край. Проекты разамонæг куыд бафиппайдта, афтæмæй туризмы ацы хуыз ныртæккæ парахат кæны. Цæгат Кавказы æрдз æмæ хæхты рæсугъддзинад хъуыстгонд у, уымæ гæсгæ ацы туризмы хуыз хъуамæ ам дæр рæза. Балцвæды ныридæгæн фæнысан кодтой æрлæууæнтæ. Ацы аз ма Автомобилон Туризмы Ассоциаци сертификаци скæндзæн «Серебряное ожерелье», «Императорский маршрут», «Сибирский тракт», «Золотое кольцо России», зæгъгæ, регионалон маршруттæ. Ацы бынæтты хъуамæ саразой æппæт хъæугæ уавæртæ дæр туристтæн. Нысангонд балцвæдты райрæзтыл бакусдзæн Уæрæсейы экономикæйы рæзты министрад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv