«Русская мечта» иронау

Зындгонд фыссæг, журналист æмæ æхсæнадон кусæг Александр Прохановы ног телепроекты хай уыдзæн Цæгат Ирыстоны тыххæй документалон киноныв. Уый тыххæй йæхæдæг радзырдта абон нæ республикæйы сæргълæууæг Битарты Вячеславимæ фембæлгæйæ. Киноныв сисдзысты Уæрæсейы паддзахадон телерадиокомпанийы хъæппæрисæй. Уыдзæн цалдæр хайæ конд. Йæ ном – «Русская мечта». Йæ сæйраг нысаниуæг у адæмы `ргом зындгонд бынæттæм, историон цаутæм аздахын æмæ сын хъайтарты тыххæй радзурын. Битарты Вячеслав Александр Прохановæн загъта бузныг ахæм хъуыдытыл хæст кæй у, уый тыххæй. Александр Проханов куыд загъта, афтæмæй Дзæуджыхъæумæ рагæй бæллыд. Ацы горæтимæ рагæй баст у. Кæддæр Александр Прохановы хæстæджытæ уыдысты Дзæуджыхъæуы дзулфыцæн æмæ макъаронтæ уадзæн куыстуæтты сæргъы. Цæгат Ирыстоны тыххæй документалон киноныв сисын зындгонд фыссæгæн йæ бæллицтæй иу у. Фæнды йæ, цæмæй Уæрæсейы адæм иууылдæр хуыздæр фидæны цæрой. Зындзинæдтæ ма `ййафой. Битарты Вячеславимæ куыд æргом ныхас кодтой, уæдæ уый дæр кинонывы равдисдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv