Радон æнтыст

Абон Беслæны адæймаджы сæрымагъзыл скодтой операци. Новосибирскæй нейрохирург Вадим БЕрестов тох кодта аневризмæимæ. Ахæм операци диссаг у Цæгат Кавказы рынчындæттæн. Нейрохирург йæ фæлтæрдзинадæй фæхай кодта Цæгат Ирыстоны дохтыртæн. Вадим БЕестов куыд фæнысан кодта, афтæмæй цæгатирыстойнаг дохтыртæн ахæм операцитæ кæнынмæ ис æппæт авналæнтæ дæр. Фыццаг бакастæй афтæ зыны, цыма дохтыр рынчынæн й` агъдыл кæны операци. Афтæмæй та йын йæ сæрымагъзмæ йæ ных сарæзта. Ахæм операци нырма никуыма уыдис. Новосибирскæй нейрохирург Вадим Берестов ын йæ мадзæлттæй дæсныйæ пайда кæны. Сылгоймагмæ раиртæстой аневризмæ. Тугдадзины къул иу ран анæрсы, тæссаг свæййы, куы атона, уымæй. Цæмæ расайдзæн ахæм низ, уый бамбарын зæн нæу. «Ацы операци се `нцонтæй нæу. Хъæуы дзы арæхстгай æвналын. Рынчыны агъд иучысыл фæхуынкъ кæнæм æмæ, сæрымагъзы операцийæн цы кусæнгæрзтæ хъæуы, уыдон иууылдæр тугдадзинтыл бауадзæм. Уый руаджы нын бантысы аневризмæйæ адæймаджы ссæрибар кæнын. Операцийы фæстæ йæ бахъæуы æрмæстдæр дыууæ къуырийы, цæмæй йæ царды `рвылбоны фæткмæ рахиза», — нейрохирург Вадим Берестов. Æдæппæтæй операцийæн бахъæуы сахат æмæ `рдæг. Уазæг нейрохирургимæ кусынц ирыстойнаг дохтыртæ дæр. Пайда кæнынц тæккæ нырыккæндæр технологитæй. Кусæнгæрзтæ дæр уагъд сты фæсарæнты. Операцийы рæстæг æппынæдзух кусы ангиограф. Йæ рентген-уылæнты тыххæй дохтыртæ операцийы рæстæг æппынæдзух сæ уæлæ дарынц зды куатæтæ. Алкæмæн дæр дзы йæ уæз 10 килограммæй къаддæр нæу. Фæлæ æнæ уыдонæй кусæн нæй. Иу операцийы хæрдзтæ схæццæ вæййынц 600 мин соммæ. Æппæт куыстыты аргъ та - милуанмæ. Уæвгæ йæ адæмæн кæнынц лæвар. Квотæтæм гæсгæ. Афæдзмæ дзы радих кæнынц 5. Фæлæ Цæгат Кавказы медицинон центры сæйраг дохтыр Уртаты Ролан куыд зæгъы, афтæмæй уый фаг нæу. «Ахæм операцитæ фыццаг афæдз нæ кæнæм. Алы хатт æрбахонæм тæккæ фæлтæрдджындæр дохтырты, цæмæй нын сæ куыст равдисой. Нæ зæрдæ дарæм, квотæты нымæц дæр кæй фæфылдæр кæндзыстæм, ууыл. Кæд нæм искуы диссаг нал кæсиккой ахæм операцитæ», — Цæгат Кавказы бирæвæрсыг мецинон центры сæйраг дохтыр Уртаты Ролан. Ацы операци дæр та æнтыстджынæй ахицæн. Сылгоймаг йæ низæй фервæзт. Нейрохирургты фæлтæрддзинад та фæхъæздыгдæр ног зонындзинæдтæй. Хъулаты Юрий _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv