Цæгат Ирыстоны скъолатæм уадзынц тагъддзу интернет

Цæгат Ирыстоны 202 скъоламæ бауагътой тагъддзу интернет. 89 скъолайы Дзæуджыхъæуы интернет кусы 100 Мб/сек тагъдадимæ, 113 скъолайы ӕмӕ хъæуты та 50 Мбит/с. Глобалон хызæг ма специалисттæ фæнд кæнынц ноджы æхсæз скъоламæ бауадзын. Уый тыххæй Фейсбукы фехъусын кодта Сергей Меняйло. Регионы разамонæджы ныхæстæм гæсгæ, ахсджиаг у нырыккон дугимæ æмдзу кæнын æмæ ахуырады хæрзхъæддзинадæн æппæт уавæртæ аразын. Цæгат Ирыстоны информацион технологитæ æмæ бастдзинады управленийы бæрæггæнæнтæм гæсгæ интернет бауадзыны куыстытæ æххæст кодтой «Ростелеком», «Мегафон» æмæ «Иртелком» оператортæ. Тагъддзу интернеты æууæлтæ скъолаты фæфылдæр кæныны уынаффæ раздæр рахаста Уæрæсейы президент Владимир Путин. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv