Уæрæсейы адæмон артист Виктор Сухоруков фембæлд нæ республикæйы журналисттæ æмæ блогертимæ

Уæрæсейы адæмон артист Виктор Сухоруков фембæлд нæ республикæйы журналисттæ æмæ блогертимæ. Радзырдта, куыд ыл сæмбæлыдысты Цæгат Ирыстоны, куыд ахицæн сты йе 'сфæлдыстадон изæртæ Вахтанговы номыл хæдзары, стæй йæм фидæнмæ цы пълæнттæ ис, уый тыххæй. Пресс-конференцийы ма ныхас кодтой театр æмæ кинойы рæзты тыххæй. Актер куыд фæбæрæг кодта, афтæмæй ирон сценæйыл фыццаг хатт афæлвæрдта моноспектаклы хуыз - æргом ныхас. Уыимæ ма йын рауад зындгонд режиссер Евгений Вахтанговы райгуырды бонимæ иумæ. Виктор Сухоруков йæ балцæй тынг разыйæ баззад æмæ дзырд радта, арæхдæр кæй цæудзæн нæ республикæмæ.