Датиты Аслæнбег сси Уæрæсейы чемпион къуххæстæй

Нæ дарддæры æрмæг у не 'мзæххон спортсмен Датиты Аслæнбеджы тыххæй. Æрæджы сси Уæрæсейы чемпион къуххæстæй. Ерысты архайдтой 270 спортсмены 49 регионæй. Цæгатирыстойнаг спортсмен, 88 килограммы уæзы хæцгæйæ, бацахста фыццаг бынат. Ныртæккæ спортсмен ис Цæгат Ирыстоны. Йæхи цæттæ кæны Европæйы чемпионатмæ. Аслæнбег йæ зæрдæ дары, уым дæр йæхи æнтыстджынæй кæй равдисдзысты, ууыл. Датиты Аслæнбеджы ныфсы тых бæллиццаг у. 4 хатты рахæцыд цæф къахимæ. Спортæй архайы 7 азы. Фæсивæды 'хсæн ерыстæм фыццаг хатт бахауд. Йæхи сæм зæрдиагæй цæттæ кодта. Æрвылбон 2 тренировкæйы æмæ сæрмагонд хæлц. Афтæмæй лæппу сси чемпион. Датиты Аслæнбег татамийыл фембæлд алы регионты минæвæрттимæ. Куыд зæгъы, афтæмæй алы тохы рæстæг дæр хъуыды кæны, Ирыстоны номæй кæй хæцы, уый. Разæй лæппумæ æнхъæлмæ кæсынц ног ерыстæ. Ныр — Европæйы чемпионат. Аслæнбег йæхицæн сæвæрдта нысан — фæуæлахиз уæвын. Аслæнбеджы тренер Нариман Кадиев йæ командæйы уæнгты ахуыр кæны иудзинадыл. Хæрд фæуой, кæнæ та куы фæуæлахиз вæййынц — кæддæриддæр сты кæрæдзийы фарсмæ. Сты, иу бинонтау, хæлар. Датиты Аслæнбегмæ æнхъæлмæ кæсынц æппæтдунеон æмвæзады ерыстæ. Европæйы чемпионаты фæстæ архайдзæн Дунейы кубок райсыныл Италийы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv