Куыстуат Остров «Аквакультура» Æрыдоны 11-æм рæвдауæндон балæвар кодта бирæвæрсыг хъазæн фæз

Æрыдоны 11-æм рæвдауæндоны фæзынд бирæфункционалон хъазæн фæз сывæллæттæн. Сарæзтой йæ куыстуат Остров «Аквакультура»-йы фæрцы. Компани сывæллæтты рæвдауæндонæн фыццаг хатт не ххуыс кæны. Раздæр ма цы æхцайы фæрæзтæ рахай кодтой, уыдонæй сабитæн балхæдтой æппæт хъæугæ мебель. Сывæллæтты циндзинадæн кæрон нæй. Ныр сын фæзынд бирæвæрсыг хъазæн фæз. Рæстæг хъæлдзæгæй æмæ пайдаимæ арвитынæн дзы ис алцыдæр. Хъеллаугæнæнтæ, херытӕ ӕмӕ турниктӕ. Фæз æрбынат кодта Æрыдоны 11-æм рæвдауæндоны кæрты цалдæр бынаты. Ахæм хуызы рæвдауæндонæн баххуыс кодта куыстуат Остров «Аквакультура». Компани кусы валер кæсаджы кондадыл. Социалон æххуысæн фæрæзтæ рахай кæнынц æрвылаз. Куыстуат Остров «Аквакультура»-йы кæсаджы хæдзарад у Цæгат Ирыстоны æппæтæй егъаудæр. Сæ продукци ласынц Мæскуы æмæ Санкт-Петербургмæ. Кæсаджы лæппынтæй ифтонг кæнынц республикæйы фермерон хæдзарæдтæ. Афæдзмæ продукцийы бæрц свæййы 2 мин тоннæйы. Компанийы комплекстæ сты Æрыдоны æмæ Дарг-Кохы. Ацы азы кæронмæ та ма иу ахӕм хӕдзарад фæнд кæнынц Кæрдзыны саразын. Социалон æххуыс куыстуат дарддæр дæр кæндзæн. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv