Цæгат Ирыстоны цæуы ВИЧ-инфекци рабæрæг кæныны акци

Цæгат Ирыстоны цæуы ВИЧ-инфекци рабæрæг кæныны æппæтуæрæсеон акци. Ахæм мадзал сарæзта Уæрæсейы æнæниздзинад хъахъхъæныны министрад. Йæ сæйраг нысан – адæмы зæрдæты æрлæууын кæнын, ацы низ цавæр зиан хæссы æмæ йæ мабауадзыныл цавæр мадзæлттæ скæнын хъæуы. Акци арæзт цæуы 40 регионы æмæ бæрæг дары 191 горæтыл. Мобилон пункттæ саразынц Камчаткæйæ – Калининграды онг. Нæ республикæйы акци сарæзтой Дзæуджыхъæуы, Мæздæджы æмæ Æрыдоны. Тест раттын йæ бон у алкæмæн дæр. Хатдзæгтæ райсынмæ бирæ лæууын нæ хъæуы. 5 минуты æмгъуыдмæ сбæрæг вæййынц. Дзæуджыхъæуы иртæстытæ ацыдысты 50 адæймагæй фылдæр. Абон та цæуы Беслæн æмæ Алагиры. Бафтаудзыстæм ма уый æмæ, ВИЧ -инфекци фыццаг рабæрæг кодтой 1981-æм азы, Америкæйы æмæ уæдæй нырмæ ахуыргæндтæ йæ ныхмæ сæрмагонд хос не`ссардтой. Ахæм низ нæ республикæйы фыццаг хатт сбæлвырд кодтой 2000-æм азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv