Тускъаты Таймураз фембæлд муниципалитетты рæзæмонджытимæ

Сывæллæттæ сæ фæлладуадзæн рæстæг пайдаимæ цæмæй арвитой, уымæн радих кæндзысты 148 млн сомы. Ведомствæты хсæн къамис та сбæрæг кæндзæн хуыздæр фæлладуадзæн лагертæ. Ныронг уал дзы 6-æн сæвæрдтой иттæг хорз бæрæггæнæнтæ. Ахæм хатдзæгтæ фехъусын кодтой Тускъаты Таймуразы разамындæй æмбырды. «Сывæллæттæ хъуамæ улæфой æдас æмæ дзуаппдæттæг объектты», - бахæс кодта республикæйы хицауады сæрдар. Ныхас ма кодтой, кæлæццаг хæдзæрттæ ногтæй раивыны программæ районты куыд æххæстгонд кæнынц, ууыл. Æрмæст Рахизфарсы ног цæрæн бынæттæ хъуамæ саразой 48 бинонтæн. Иннæ ахсджиаг фарста – газæн æмæ электрон тыхæн фиддонтæ. «Хъуамæ уой, куыд æмбæлы, афтæ», - бафæдзæхста премьер районты муниципалитетты разамонджытæн. Æмæ ма бафтыдта, 7-æм маймæ Мæздæджы районы бырæттæ куыстгæнæн регионалон оператор кæй сбæрæг уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv