4 сæйраг редакторы сæ куыстæй суæгъд сты

Дзыллон информацион фæрæзты цыппар разамонæджы сæ бынæттæй суæгъд кодтой. Уыдон сты информацион агентад «Иринформ»-ы сæргълæууæг Таболты Иринæ, журнал «Мах дуг», «Дарьял» æмæ «Ногдзау»-ы сæйраг редактортæ – Хъодзаты Æхсар, Тотраты Ольгæ æмæ Дзасохты Музафер. Цæгат Ирыстоны журналистты Цæдисы хъусынгæнинагмæ гæсгæ, æрхæццæ сæ куысты бадзырды æмгъуыд. Дарддæр бафыссыны фарста хауы амидингæнæгмæ. Уый та у мыхуыры æмæ дзыллон комуникациты комитет. Йæ сæрдар Фидараты Юрий куыд загъта, афтæмæй уыцы адæмæй уæлдай бузныг сты, фæлæ ныртæккæ ахæм ивддзинæдтæ хъæуынц. Ног фæлтæр куыст хъуамæ сног кæна. Куыд ма фæнысан кодта, афтæмæй ног кусджыты исдзысты раздæры разамонджыты хъæппæрисæй дæр. Уыимæ ма сын фадат уыдзæн æндæр куысты архайынæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv