Уæрæсейы Социалон фонды республикон хайады дзырдтой фыццаг кварталы хатдзæгтыл

Ацы аз фыццаг кварталы иугонд пособитæ райстой 29 мин ныййарæджы. Æхцайы фæрæзтæй уый у 760 милуан сомы. Социалон фонды регионалон хайады куысты хатдзæгты тыххæй журналисттæн радзырдта разамонæг Таболты Сергей. Йæ ныхæстæм гæсгæ, 54 милуаны райстой 1,5 æнхъæлцау сылгоймаджы, 40 милуаны бафыстой 5 мин медицинон кусæгæн. Пенсион фонд фæдзæхстадонимæ баиу кодтой 1-æм январы. Фиддонтимæ баст къуылымпыдзинæдтæ дзы нæ разынд. Алкæмæн дæр сæ бæлвырд æмгъуыдмæ фæхæццæ кодтой. Социалон фæдзæхстадон фонд арæхдæр пайда кæнын райдыдта ног нымæцон технологитæй. Лæггæдтæ райсын фенцондæр. Сæрмагонд æфсæддон операцийы архайджытæн цы æххуысы мадзæлттæ снысан кодтой, уыдон дæр фæнысан кодтой.