Цæгат Ирыстоны сæргълæууæг Сергей Меняйло архайы æппæтуæрæсеон акци «Ёлка желаний»-йы

Цæгат Ирыстон архайы æппæтуæрæсеон акци «Ёлка желаний»-йы. Хæрзаудæн мадзал райдайдыдта 27 декабры. Архайы дзы регионы разамонæг Сергей Меняйло, хицауады уæнгтæ, районты сæргълæуджытæ, æхсæнады æмæ амалхъом адæмы минæвæрттæ. Сæ курдиæттæ акцимæ балæвæрдтой сидзæр сабитæ, æндæр бинонты цы сывæллæттæ хъомыл кæнынц, стæй сæ æфтиæгтæ фæцæрынæн æппынкъаддæры бæрцæй дæлдæр кæмæн сты, ахӕмтӕ, стӕй йе ‘нæниздзинад хъыгдæрд кæмæн у, уыдон. Æдæппæтæй 43 бæллицы. Сергей Меняйло дзы сæххæст кæндзæн æртæ. Хæрзаудæн акци цæуы æртыккаг аз. Æдæппæтæй проекты бацархайынмæ балӕвӕрдтой 600 курдиаты. Ацы аз «Ёлка желаний» сæвæрдзысты алы районы дæр. Арæхдæр сывæллæттӕ бæллынц нымæцон техникæмæ. Уæвгæ, ис бирæ цымыдисагдæр бæллицтæ: митын къоритæй ахъазын, Великий Устюгмæ абалц кæнын, зындгонд адæмимæ базонгæ уæвын. Бæллицтæ æххæст кæндзысты февралы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv