Цъыккаты Владимиры уголовон хъуыддаджы фæдыл уыд тæрхондоны радон æмбырд

Цъыккаты Владимиры уголовон хъуыддаджы фæдыл тæрхондоны радон æмбырд уыди Дзæуджыхъæуы. Ацы хат кастысты Цъыккаты Владимиры буарæй ист биологон æрмæджытæм, цæмæй сæ ногæй экспертизæмæ арвитой. Уый тыххæй бахатыдысты азымджын кæй кæнынц, уыдоны адвокаттæ. Тæрхонгæнæджы уынаффæмæ гæсгæ, биологон æрмæджытæн иртæстытæ, гæнæн ис, æмæ саразой, фыццаг сæ цы Медицинон экспертизæйы бюройы кодтой, уым. Фæлæ ацы хат иртасджытæ хъуамæ уой æндæртæ. Азымджын кæй кæнынц, уыдоны фарсхæцджытæ ахæм хъæппæрисимæ разы не*сты. Кæронбæттæн уынаффæ рахæсдзысты тæрхондоны иннæ æмбырды, уыдзæн 28-æм октябры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv