Пенситы индексаци кæныны фадат хъуамæ фидаргонд уа Уæрæсейы Конституцийы

Пенситы индексаци кæныны фадат хъуамæ фидаргонд уа Уæрæсейы Конституцийы. Владимир Путин куыстадон къорды æмбырды куыд фæбæрæг кодта, афтæмæй уый æнæмæнг хъæуы скæнын. Ныхас кодтой нæ бæстæйы сæйраг закъонмæ ивддзинæдтæ бахæссыныл. Пенситы индексацийы æппæт лыстæгдзинæдтæ Конституцимæ иууылдæр хаст не`рцæудзысты. Президенты хъуыдымæ гæсгæ, уыцы ивддзинæдтыл бакусæн ис федералон закъонтæ исгæйæ. Конституцимæ ивддзинæдтæ хæссыны бон æй улæфæн бон скæныны хъæппæрисимæ дæр Владимир Путин сразы. Ацæудзысты президенты æвзæрстыты хуызы. Ахсджиаг у цæмæй адæм демократийы бындурыл куыд хъæлæс кæной. Зæгъын хъæуы уый æмæ конституци бараст кæныны закъоны тых уыдзæн, æрмæстдæр æппæтуæрæсеон хъæлæсдæттыны хатдзæгтæ куы скæной, уæд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv