Бирæ нал баззад

12-æм сентябры Дзæуджыхъæуы уыдзæн профессионалон боксæй турнир. Сæ тыхтæ дзы бавзардзысты зындгонд спортсментæ Уæрæсейæ, Китайæ, Гуырдзыстонæй, Камерунæй, Украинæйæ, Азербайджанæй, Сомихæй æмæ Иранæй. Абон сын ресторан «Дендрариум»-ы уыдис пресс-конференци. Байхъуыстой дзы Уæрæсейы сгуыхт тренер Сланты Виталимæ æмæ турниры архайджытæм. Сланты Виталий журналисттæн радзырдта ерысты тыххæй. Бакæсæн уыдзæн 10 тохмæ. Турнир арæзт у æхсæнадон змæлд «Ирон Легион», стæй «Урал Бокс Промоушен»-ы хъæппæрисæй. Иу тохы дзы архайдзæн æрыгон боксер Челæхсаты Таир. Æппæты уæззаудæр уæзы йæ тыхтæ фæлвардзæн украинаг спорстменимæ. Турниры кадджын уазæг та уыдзæн Гасситы Мурат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv