Дзæуджыхъæуы ацыд Ӕппӕтуӕрӕсеон футболон фестивалы регионалон къæпхæн
Уæрæсейы тырысайы бонмæ ма Дзæуджыхъæуы ацыд футболон турнир дæр. Ӕппӕтуӕрӕсеон ерысты регионалон къæпхæн æдæппæтæй аххæсыд 600-йæ фылдæр æрыгон футболуарзæгыл. Расидтысты йæ парти "Иугонд Уæрæсе"-йы. Кæронбæттæны фембæлдысты республикæйы 9 хуыздæр командæйы. Пурти фылдæр кæй уарзы æмæ тæккæ рæстдзæвиндæр чи рауайдзæн? Хъазты фыццаг уысмæй фæстæмæ сæрæндæр фæлæууыдысты Дыгуры районы фæсивæд. Иннæты `хсæн-иу ныхмæлæууæджы дуæртты цур куыд февзæрдысты, уый-иу æмбаргæ дæр ничи бакодта. Кæс, æмæ та пурти хызæджы бамидæг. Афтæ мæздæггаг футболисттыл фæуæлахиз сты. Бесаты Давид: "Ацы хатт пуртиимæ арæхстгай нæ архайдтой. Сæхимæ иу æй бирæ рæстæг дардтой. Уый – махæн хуыздæр. Байстам сын иу сæ пурти æмæ голтæ бакъуырдтам. Ацы турнирмæ нæ фæхуыдтой, æрбацыдыстæм, нæхи хорз равдыстам, дарддæр дæр уæлахизмæ тырнæм." Раздæр командæтæ сæхи æнтыстджынæй равдыстой муниципалон къæпхæны. Тыхджындæртæ ерыс кодтой абон. Фембæлдысты 9 къорды республикæйы 8 районы æмæ Дзæуджыхъæуæй. Фæсивæд сæхи бæстонæй цæттæ кодтой. Æххуыс та сын кодтой тренертæ. Кæронбæттæнмæ рацыдысты 3 командæйы. Фæуæлахиз "Хъæдгæрон", дыккаг бынат бацахста "Елхот", æртыккаг — "Павлодольская". Кæртыты футболæй хъазыны фестиваль "Сывæллæтты спорт" æрвылаз ацæуы æгас бæстæйы. Ныртæккæ дзы архайынц 2009-2010 азты гуырд сывæллæттæ. Ерыстæ расидт парти "Иугонд Уæрæсе". Джиоты Георгий: "Парти "Иугонд Уæрæсе"-йы адæмон программæйы ахсджиаг æууæлтæй иу у фæсивæды 'хсæн æнæниз цардыуаг парахат кæнын. Мах афтæ хъуыды кæнæм, æмæ ахæм ерыстæ кæстæрты зондахаст, æнæниздзинад фидар кæнынц. Архайæм ахæм мадзæлттæ арæхдæр аразыныл." Фæсивæды кадджын уавæры схорзæхджын кодтой грамотæтæ, майдантæ æмæ зæрдылдарæн лæвæрттæй. Уæлахиздзау командæмæ æнхъæлмæ кæсы федералон къæпхæн. Уым æрыгон футболисттæ фембæлдзысты бæстæйы тыхджындæр хъазджытимæ.
Уæрæсейы тырысайы бонмæ ма Дзæуджыхъæуы ацыд футболон турнир дæр. Ӕппӕтуӕрӕсеон ерысты регионалон къæпхæн æдæппæтæй аххæсыд 600-йæ фылдæр æрыгон футболуарзæгыл. Расидтысты йæ парти "Иугонд Уæрæсе"-йы. Кæронбæттæны фембæлдысты республикæйы 9 хуыздæр командæйы. Пурти фылдæр кæй уарзы æмæ тæккæ рæстдзæвиндæр чи рауайдзæн? Хъазты фыццаг уысмæй фæстæмæ сæрæндæр фæлæууыдысты Дыгуры районы фæсивæд. Иннæты `хсæн-иу ныхмæлæууæджы дуæртты цур куыд февзæрдысты, уый-иу æмбаргæ дæр ничи бакодта. Кæс, æмæ та пурти хызæджы бамидæг. Афтæ мæздæггаг футболисттыл фæуæлахиз сты. Бесаты Давид: "Ацы хатт пуртиимæ арæхстгай нæ архайдтой. Сæхимæ иу æй бирæ рæстæг дардтой. Уый – махæн хуыздæр. Байстам сын иу сæ пурти æмæ голтæ бакъуырдтам. Ацы турнирмæ нæ фæхуыдтой, æрбацыдыстæм, нæхи хорз равдыстам, дарддæр дæр уæлахизмæ тырнæм." Раздæр командæтæ сæхи æнтыстджынæй равдыстой муниципалон къæпхæны. Тыхджындæртæ ерыс кодтой абон. Фембæлдысты 9 къорды республикæйы 8 районы æмæ Дзæуджыхъæуæй. Фæсивæд сæхи бæстонæй цæттæ кодтой. Æххуыс та сын кодтой тренертæ. Кæронбæттæнмæ рацыдысты 3 командæйы. Фæуæлахиз "Хъæдгæрон", дыккаг бынат бацахста "Елхот", æртыккаг — "Павлодольская". Кæртыты футболæй хъазыны фестиваль "Сывæллæтты спорт" æрвылаз ацæуы æгас бæстæйы. Ныртæккæ дзы архайынц 2009-2010 азты гуырд сывæллæттæ. Ерыстæ расидт парти "Иугонд Уæрæсе". Джиоты Георгий: "Парти "Иугонд Уæрæсе"-йы адæмон программæйы ахсджиаг æууæлтæй иу у фæсивæды 'хсæн æнæниз цардыуаг парахат кæнын. Мах афтæ хъуыды кæнæм, æмæ ахæм ерыстæ кæстæрты зондахаст, æнæниздзинад фидар кæнынц. Архайæм ахæм мадзæлттæ арæхдæр аразыныл." Фæсивæды кадджын уавæры схорзæхджын кодтой грамотæтæ, майдантæ æмæ зæрдылдарæн лæвæрттæй. Уæлахиздзау командæмæ æнхъæлмæ кæсы федералон къæпхæн. Уым æрыгон футболисттæ фембæлдзысты бæстæйы тыхджындæр хъазджытимæ.