Базарадон центр «Алания Молл»-ы Донецк æмæ Луганскы сывæллæттæн бацæттæ кодтой сæрмагонд программæ

Сæ цæсгæмттыл ныр æрмæст мидбылхудт. Сабыр цардыл ногæй фæцахуыр сты. Мария Буц йæхицæн ног хæлæрттæ уайтагъд ссардта. Чызджытæ ныридæгæн Цæгат Ирыстоны хæхтæ дæр федтой. Мультипликацион кинонывтæ фенын, хæрзад хæринæгтæй саходын, хъæзтыты бацархайын. Ам ис æппæт уавæртæ, цæмæй сывæллæттæ сæ райгуырæн зæххы зындзинæдтæ зæрдыл ма дарой. «Алания Молл» -ы ирхæфсæн центры разамынд лыгъд сывæллæтты суазæг кодтой. Се`рбацыдмæ сæхи биноныгæй бацæттæ кодтой. Хъæлдзæг æнкъарæнтæ сывæллæттыл цы уæззау рæстæджытæ скодтой, уыдон ферох кæнынæн у ахсджиаг фæрæз. Ныййарджытæн дæр æхсызгон у сæ цоты хъæлдзæгæй уынын. Ахæм мадзæлттæ Донецкы æмæ Луганскы адæмон республикæтæй сывæллæттæн аразынц æппынæдзух. 65 сывæллонæй фылдæр абон суазæг кодта ирхæфсæн центр «Алания Молл». Цавæрдæр аххосæгтæм гæсгæ, чи нæ сæмбæлд бынатмæ, уыдонæн фæстæдæр сæрмагондæй скæндзысты бæрæгбон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv