Барбашовы номыл ног мемориалон ран

9 майы Петр Барбашовы цыртдзæвæны цур байгом уыдзæн ног мемориалон комплекс. Уæрæх зæххы хайыл фæзындзæн, Фыдыбæстæйы Стыр хæсты рæстæджы хæстон техникæйы равдыст. Ахæм зæрдылдарæн комплекс саразыны хъуыды фæзынд Мидхъуыддæгты министр Михаил Скоковмæ. Уыимæ ма нæ республикæйы Мидхъуыддæгты министрады кусджытæ проект дæр сæхæдæг сарæзтой. Цалцæггæнæн куыстытæ куыд цæуынц, уыдоны тыххæй нæ дарддæры æрмæджы. Ног электрон цырæгътæ, бадæнтæ, бырондæттæ, уыдонимæ хæсты хъæбатырты сгуыхтыты тыххæй зонинæгтимæ фæйнæджытæ. Петр Барбашовы цыртдзæвæны цур майы райдиан фæзындзæн ног аллейæ. Гæнæн ис, æмæ дзы тагъд рæстæджы æфсæддон-историон комплекс фæзына. Ныридæгæн уал ног зæрдылдарæн ранмæ æрхæццæ ис зындгонд танк – ИС-3-аг. Кæй зæгъын æй хъæуы, аллейæйы йæ бынат æрцахста. Цæттæ кæнынц бынат 7 ног экспонатæн дæр. Мидхъуыддæгты министр Михаил Скоков, цалцæггæнæн куыстытæ куыд цæуынц, уый арæх бабæрæг кæны. Бæстыхай фæуæрæхдæр. Хорз та уый у, æмæ алы экскурсанты бон дæр суыдзæн хæстон рæстæджы нывтæ хи цæстæй фенын æмæ банкъарын. Ныртæккæ уал суинаг аллейæйы фæзуат у 3000 квадратон метры. Барбашовы номыл ног æфсæддон – мемориалон комплекс кадджын уавæры байгом уыдзæн Уæлахизы боны хæдразмæ _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv