Æнæнхъæлæджы цауты министрады кусджытæ бæрæг кæнынц, дистанцион ахуырмæ чи рахызт, уыдоны æдасдзинад

Коронавирусы инфекци цæмæй ма апарахат уа, уый тыххæй Цæгат Ирыстоны ахуыргæнæндæттæ рахызтысты дистанцион ахуырадмæ. Ныр скъоладзаутæ æмæ студенттæ ахуыр кæнынц хæдзары. Уый хынцгæйæ Æнæнхъæлæджы цауты министрад сиды ныййарджытæм, цæмæй сывæллæттæм бæстондæрæй кæсой.  Æнæмæнг æххæст кæнын хъæуы зынгсирвæзты ныхмæ æдасдзинады домæнтæ. Цæрджытимæ профилактикон куыст у хъæугæ æмæ ахадгæ. Сæрмагондæй, бирæфатерон хæдзæртты разамынддæттæг компанитæ парахат кæнынц сыфтæ æмæ хъусынгæнинæгтæ. Фыст дзы ис хи куыд бахъахъхъæнын хъæуы, уый. Хъармгæнæн системæ, электрон тыхы телтæ, розеткæты уавæр хъæуы сбæрæг кæнын. Зæрдæхсаинаг цаутыл специалисттæ ныхас кæнынц цæрджытимæ. Хъæндзинæдтæ бæрæггæнгæйæ, кæсынц хæдзæртты уавæрмæ. Ныййарджытæ сывæллæттæн хъуамæ æмбарын кæной, компютерон техникæ æмæ электрон прибортæй пайда кæнгæйæ æдасдзинады домæнтæ. Æнахъом сывæллæттæн æмбарын кæнын хъæуы зынг æмæ артимæ хъазт хорзæй кæй ницæмæ расайдзæн, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv