2022 æм азы сæрдыгон фæлладуадзæн дзæбæхгæнæн кампанийы мадзæлтты архайдзæн 3228 сывæллоны

2022-æм азы сæрдыгон фæлладуадзæн-дзæбæхгæнæн кампанийы мадзæлтты архайдзысты 3 мин сывæллонæй фылдæр. Уый тыххæй къамисы 'хсæн æмбырды фехъусын кодта республикæйы фæллой æмæ социалон райрæзты министр Айдарты Алинæ. Æмбырд амыдта вице-премьер Тугъанты Ларисæ. Куыд фæнысан кодта, афтæмæй гæнæн ис æмæ сывæллæтты сæрдыгон фæлладуадзæн-дзæбæхгæнæн кампанимæ хаст æрцæуой ивддзинæдтæ. Уый баст у Цæгат Ирыстонмæ Луганскы æмæ Донецкы адæмон республикæты цæрджытæ кæй ссæудзысты, уыимæ. Æмткæй райсгæй фæнд кæнынц нысангонд цал сабийы æрцыд, уый бæрц райсын. Æмбырды ма дзырдтой горæтæй дарддæр лагертæ санитарон-эпидемиологон æмæ æдасдзинады домæнтæ дзуапп дæттынц æви нæ, ууыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv