Цæгат Ирыстонмæ æрбацыд Александр Матовников

Цæгат Ирыстонмæ кусæг балцы ссыд Уæрæсейы президенты æххæстбарджын минæвар Цæгат Кавказы федералон зылды Александр Матовников. Нæ республикæйы фыццаг хатт нæй. Ныртæккæ ис Мæздæджы районы. Бынæттон администрацийы Александр Матовников фембæлд республикæйы сæргълæууæг Битарты Вячеславимæ. Æрдзырдтой районы социалон экономикон лыггæнинаг фарстатыл. Александр Матовников бафиппайдта, районы бирæ лыггæнинаг фарстатæ кæй ис. Донуадзæн æмæ хъармдæттæг хызты 80% пайда кæныны рæстæг фæци. Цалцæггæнинаг сты фæндæгтæ дæр. Æххæстбарджын минæвары ныхæстæм гæсгæ, Мæздæджы районы фæндæгтæ сты æппæты æвзæрдæр уавæры æнæхъæн Цæгат Кавказы федералон зылды. Республикæйы фæндаггон хæдзарады комитеты сæрдар Солиты Тариэль радзырдтæ, фæндæгтæм зилыны куысты тыххæй. Уыцы хæрдзтæн ацы аз радих кодтой 150 милуан сомы. Се `рдæг, ныридæгæн хардзгонд æрцыдысты. Æмбырды хæдразмæ Битарты Вячеслав æмæ Александр Матовников сæвæрдтой дидинджытæ 2003-æм азы теракты амæттæгты номыл мемориалыл. Уый фæстæ федтой Мæздæджы сæйраг рынчындоны уавæр. Уым майы байгом кодтой республикон онкологон диспансеры филиал. Уæ зæрдыл уын æрлæууын кæндзыстæм, раздæр Мæздæджы æвзæр низæй рынчын чи у, уыдонæн нæ уыди фадат хуымæтæг æххуыс райсынæн. Хостæ æлхæнын сæ-иу бахъуыд Дзæуджыхъæуы. Ныртæккæ уавæр у лыггонд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv