Сергей Меняйло схорзæхджын кодта сæргълæууæджы кубок рамбулыныл æртæ наукæйы Турниры уæлахиздзауты
Сергей Меняйло ахуырадон центр «Вершина»-йы схорзæхджын кодта Цæгат Ирыстоны сæргълæууæджы кубок рамбулыныл æртæ наукæйы Турниры уæлахиздзауты. Фыццаг бынат æмæ 150 мин сомæн сертификат райста «Корневая декомпозиция», зæгъгæ, ахуырадон организациты иугонд командæ. Дыккаг бынаты ис Дзæуджыхъæуы иугонд командæ «Триумф», æртыккаджы - Горæтгæрон районы къорд «Формула успеха». Уыдон дæр райстой сертификаттæ 100 æмæ 150 мин сомæн. Уымæй уæлдай ма фембæлдмæ фæхуыдтой уæлдæр ахуыргæнæндæтты ректорты. Фæсивæд комкоммæ ныхас кодтой Сергей Меняйлоимæ, лæвæрдтой йæм фæрстытæ. Бафтаудзыстæм ма уый, æмæ сæргълæууæджы кубок рамбулыныл æртæ наукæйы Турнир цæуы Сергей Меняйлойы хъæппæрисæй, снысан æй кодтой Курчатовы номыл ахуырадон форумæн. Центр «Вершина»-йы республикæйы скъолаты 8-æм, 9-æм æмæ 10-æм кълæсты ахуырдзаутæ хынцинæгтæ æххæст кодтой матиматикæ, физикæ æмæ информатикæйæ.
Сергей Меняйло ахуырадон центр «Вершина»-йы схорзæхджын кодта Цæгат Ирыстоны сæргълæууæджы кубок рамбулыныл æртæ наукæйы Турниры уæлахиздзауты. Фыццаг бынат æмæ 150 мин сомæн сертификат райста «Корневая декомпозиция», зæгъгæ, ахуырадон организациты иугонд командæ. Дыккаг бынаты ис Дзæуджыхъæуы иугонд командæ «Триумф», æртыккаджы - Горæтгæрон районы къорд «Формула успеха». Уыдон дæр райстой сертификаттæ 100 æмæ 150 мин сомæн. Уымæй уæлдай ма фембæлдмæ фæхуыдтой уæлдæр ахуыргæнæндæтты ректорты. Фæсивæд комкоммæ ныхас кодтой Сергей Меняйлоимæ, лæвæрдтой йæм фæрстытæ. Бафтаудзыстæм ма уый, æмæ сæргълæууæджы кубок рамбулыныл æртæ наукæйы Турнир цæуы Сергей Меняйлойы хъæппæрисæй, снысан æй кодтой Курчатовы номыл ахуырадон форумæн. Центр «Вершина»-йы республикæйы скъолаты 8-æм, 9-æм æмæ 10-æм кълæсты ахуырдзаутæ хынцинæгтæ æххæст кодтой матиматикæ, физикæ æмæ информатикæйæ.