Хорз уыд

Хорз уыд, фæлæ бирæ нæ. Ахæм хъуыдыйыл хæст сты этнолагерь «Аланты фæд-2018»-ы дыккаг фæлтæры архайджытæ. Лагерь æрбангом кодта Францийы, Германийы, Турчы, Таджикистаны æмæ Казахстаны цæрæг ирæтты. Сæ историон Фыдыбæстæйы бирæ цымыдисаг бынæттæ ис, зæрдæ дарынц ацы проекты фæрцы сæ фенын сæ къухы кæй бафтдзæн, ууыл. Лагеры программæ та бирæвæрсыг у. Раст цыма хæдзарæй дæр никуыдæм ацыдыстæм, ахæм хатдзæгмæ æрцыдысты этнолагерь «Аланты фæд-2018» дыккаг фæлтæры архайджытæ. Лагеры куыст кæронмæ фæхæццæ кæны. Архайджытæ сæхæдæг куыд зæгъынц, афтæмæй, цæсты фæныкъуылдмæ. 8 боны дæргъы дунейы алы рæтты цæрæг ирæттæ зонгæ кодтой сæ фыдæлты уæзæджы культурæ æмæ историимæ, бабæрæг кодтой Ирыстоны рæсугъддæр бынæттæ, ахуыр кодтой сæ мадæлон æвзаг. Этнолагерь «Аланты фæд-2018» дыккаг фæлтæр æрбамбырд кодта Францийы, Германийы, Турцийы, Таджикистаны æмæ Казахстаны цæрæг ирæтты. Æдæппæтæй сты 28 адæймаджы. Иуылдæр сты тынг алыхуызон, фæлæ сæ иу кæны сæ чысыл Фыдыбæстæмæ уарзондзинад. Камол Кахрамон: «Æрцыдыстæм дунейы алы бæстæтæй.Вазыгджын уый у, æмæ нæ алайнаг культурæ,æгъдау æмæ истори нæ кæй иу кæны, уый. Уый махæн стыр циндзинад у æмæ мæ фæнды ацы проекты архайын.Зæгъын, стыр æххуыс нын кæй сты,уый.Æххуыс нын сты нæ уидæгтæ базонын,миддуне фæхъæздыгдæр кæнын, уæдæ нæ историон Фыдыбæстæимæ бастдзинад афтæмæй фидардæр кæны». Этнолагеры программæ у тынг бирæвæрсыг æмæ цымыдисаг. Абалц кодтой Цъæйы, Хъæрмæдоны, Дæргъæвсы æмæ Куырттаты кæмттæм. Уæдæ Хуссар Ирыстоны дæр уыдысты. Беслæны фыццæгæм скъола æмæ Зæдты горæт бабæрæг кæнын сæ хæсыл банымадтой. Кæд ацы балц æнкъард æмæ зæрдæриссагр ауад. Уæддæр сæм республикæйæ баззайдзæн рæсугъд æмæ ирд æнкъарæнтæ. Мадзал саразджыты ныхæстæм гæсгæ сæ фæндыд уазжытæн фылдæр равдисын, фæлæ сын рæстæг бирæ нæй. Фæлæ уæддæр архайджыты зæрдæты иу хай ам баззайдзæн. Этнолагерь «Аланты фæд-2018» дыккаг фæлтæры куысты кæронбæттæн уыд Порталы. Сарæзтой дзы акци «Свеча памяти», æрыгæттæ ссардтой Хуссар Ирыстонмæ ныббырсты чи фæмард уыдоны нæмттæ. Архайдтой ма æндæр мадзæлтты дæр. Сæ балцæй разыйæ кæй баззадысты, уый дызæрдыккаг нæу. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv