Парламенты советы æмбырд уыд Дзæуджыхъæуы

Цæгат Ирыстоны хуыздæр æрмдæснытæн аккаг кæндзысты адæмон æрмдæсныйады мастеры ном. Уый тыххæй фехъусын кодтой парламенты советы радон æмбырды. Æмбæлгæ ивддзинæдтæ бахастой «Цæгат Ирыстоны адæмон æрмдæсныйады фæдыл» закъоны проектмæ. Йæ сæйраг хæс у хуыздæр æрмдæсныты разæнгард кæнын. Стæй, республикæйы адæмон æрмдæсныйады æмвæзад фæуæлдæр кæнын. Уыимæ ма, ныхас цыд æвзæрстыты фæткыл дæр. Бæлвырддæр дзургæйæ, æвзæрстыты æмæ референдумты архайынмæ адæймаг хъуамæ 3 мæйæ къаддæр ма уа регистрацигонд республикæйы. Уыимæ ма, никотинхæццæ, фæлæ тамакоты номхыгъдмæ чи нæ хауы, уыцы продукци республикæйы уæй гæнæн нал уыдзæн. Уыдонмæ хауынц, снюс кæй хонынц, уый, никотинхæццæ буаргъæдтæ æмæ æндæр æрмæджытæ. Æмбæлгæ закъоны проектыл бакуыстой нæ республикæйы прокуратурæ æмæ Парламенты закъондæттыны комитет «Никотинхæццæ продукцийы фарста ныртæккæ риссаг у канд мах регионы нæ, фæлæ æнæхъæн Уæрæсейы дæр. Стыр зиан хæссынц фæсивæдæн, уæлдайдæр 18 азы кæуыл нæма сæххæст, уыдонæн. Республикæйы прокуроры хъæппæрисмæ гæсгæ, закъоны проект рахастам парламенты размæ. Продукцийæн нал уыдзæн республикæмæ ласын æмæ йæ парахат кæныны бар. Закъæтты хъæндзинæдты аххосæй продукци уæйгонд цыд. Цалдæр федералон хъæппæрисы дæр ис уыцы фарстайы фæдыл. Фæлæ, цалынмæ сæ фидар кæнынц, уæдмæ республикон закъон уал сфидар кæндзыстæм», - РЦИ-Аланийы Парламенты депутат, закъон дæттыны комитеты сæрдар Ортабайты Тимур. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv