Юбилейы фæдыл

Абон 100-азы сæххæст Брытъиаты Зарифæйы райгуырдыл. Цæгат Кавказы фыццаг сылгоймаг-режиссер, Советон Цæдисы адæмон артисткæ. Дзæуджыхъæуы театралон аивады музейы Брытъиаты Зæрифæйы юбилейы кадæн байгом кодтой равдыст. Фенæн дзы ис Зарифæйы æвæрд спектакльтæй ист къамтæ, декорациты эскизтæ, актерты сценикон уæлæдарæс æмæ режиссеры дзаумæттæ. Равдысты цы къамтæ ис, уыдоны фылдæр хай Брытъиаты Зарифæ йæхæдæг балæвар кодта музейæн. Дзбойты Михаил, Уæрæсейы сгуыхт нывгæнæг музейæн балæвар кодта Брытъиаты Зарифæйы номдзыд фыд- Елбыздыхъойы цыртдзæвæны эскиз. Мадзалмæ æрбацыдысты Зарифæйы ахуыргæнинæгтæ. Зындгонд режиссер æмæ артисткæйы æрымысыдысты æмæ радзырдтой йæ уæззау хъысмæты тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv