Æппæтуæрæсеон адæмон фронты уæнгтæ бæрæг кæнынц скъолаты цæттæдзинад ног ахуыры азмæ

Республикæйы скъолаты ног ахуыры азмæ цæттæгæнæн куыстытæ кæронмæ фæхæццæ кæнынц. Ахуыргæнæнæдæтты фылдæр хай сывæллæтты райсынмæ цæттæ сты. Фæлæ ма ахæм скъолатæ дæр ис цалцæггæнæн æмæ арæзтадон куыстытæ кæм нæ фесты. Æрæджы уыцы скъолатæ бабæрæг кодтой æппæтуæрæсеон адæмон фронты уæнгтæ. Ацы хатт сæ фæндаг ракодтой Мæздæджы районы ахуыргæнæндæттыл. Предгорныйы хъæуы скъолайы пъолтæ, къултæ æмæ цар ног ахуырст. Спортивон залы цалцæггæнæн куыстытæ фесты. Ногæй дзы баивтой дуæрттæ æмæ рудзгуытæ. Ацы скъолайы спортвон зал уæвгæ дæр нæ уыд. Раздæр дзы фæллойы урочытæ цыдысты. Уымæ гæсгæ йæ хъуыд бындуронæй сцалцæг кæнын. Æппæтуæрæсеон адæмон фронты уæнгтæ ма бабæрæг кодтой Притеречныйы поселочы скъола дæр. Йæ фæзуат у 600 квадратон метры. Ам бæстыхайы сæр ногæй раивдтой, Уыимæ ма хъармгæнæн æмæ хауæтдзæгты хæтæлтæ дæр сног кодтой. Фæзынд дзы ног рудзгуытæ æмæ пъолтæ дæр. «Народная оценка качества», зæгъгæ, проекты фæлгæты æппæтуæрæсеон адæмон фронты уæнгтæ фæнд кæнынц дæрддæр дæр басгæрстытæ аразын. Ацы балцæй æмткæй райсгæйæ баззадысты разыйæ. Фиппаайнæгтæ æрхастой скъолаты æддаг бакастмæ. Уыимæ ма дзы компютерон техникæ æмæ кусæнгæрзтæ фаг кæй нæй, уымæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv