Республикон æмæ муниципалитетты 'хсæн æхсæз объекты саразын æмæ сног кæнын фæнд кæнынц ацы аз. Автомобилон фæндæгты 15 хайы сцалцæг кæндзысты. Æдасдзинады домæнтæн дзуапп цы хидтæ нал дæттынц, уыдонæй 6 сног кæндзысты. Республикæйы бюджеты субсидиты хардзæй Дзæуджыхъæуы æмæ районты банывыл кæндзысты фæндагты æмæ уынгты хызты 69 уаццаджы. Æдæппæтæй 58 километры. Премьер дзуапдæттæг комитет æмæ бынæттон администрациты сæргълæуджытæн бабар кодта æппæт куыстытæ бæстонæй æмæ афоныл баххæст кæнын. Æмбырды ма ныхас цыд æхсæнадон транспорты бындурон рацарæзтыл. 1-æм февралæй «Дзæуджыхъæу – Алагир» маршуртыл æрлæууыд 16 ног автобусы. «Дзæуджыхъæу – Беслæн» маршрутыл 15-æм мартъийæ бæлццæттæн æрвылбон лæггад кæнынц 22 автобусы., иу автобус Дзæуджыхъæуæй Фыййагдоны астæу, иу автобус та цæуы Сырх Дыгурмæ. Транспорт ифтонггонд у ГЛОНАСС системæйæ, тахографтæ, видеоцæстдарды камерæтæ æмæ терминалтæй.