Туристтыл хъуыдытимæ

17-æм майы Дзæуджыхъæуы уыдзæн Цæгат Ирыстоны туризмы райрæзты фæдыл форум. Йæ ном – «Сообщество», зæгъгæ. Архайынмæ йæм Цæгат Ирыстонмæ ссæудзæн 600 адæймаджы. Йæ архайджытæ – Цæгат Кавказы туристон агентадты раззагдæр специалисттæ, æнæкоммерцион организациты минæвæрттæ æмæ амалхъом адæм. Уымæй уæлдай ма – эксперттæ æмæ Цæгат Кавказы регионты разамынд. Уазджытæ æрдзурдзысты бынæттон туризмы рæзты ног мадзæлттыл. Æрныхас кæндзысты туристон балцвæдтыл æмæ инфраструктурæйыл. Форумы уыдзæн дæсныйад æвдисæг ахуыртæ дæр. 16-æм майы та, Цæгат Кавказы æмæ Хуссар Федералон зылдты, феныны аккаг бынæттæм туристты æргом раздахынæн Дзæуджыхъæуы сараздзысты олимпиадæ «Узнай Россию: Юг и Северный Кавказ», зæгъгæ. Мадзалы бацархайыны фадат ис муниципалон командæтæн, дзыллон-информацион фæрæзты минæвæрттæн, æнæкоммерцион организацитæ æмæ культурæйы кусджытæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv