Цæгат Ирыстоны абон бæрæг кæнынц ирон æвзаг æмæ литературæйы бон
Цæгат Ирыстоны абон бæрæг кæнынц ирон æвзаг æмæ литературæйы бон. Официалон æгъдауæй йæ снысан кодтой 2003-æм азы. Баст у, фыццаг хатт Хетæгкаты Къостайы “Ирон фæндыр” 1899-æм азы 15-æм майы кæй рацыд, уыимæ. Ирон æвзаг æмæ литературæйы бæрæгбоны фæдыл республикæйы цæрджытæн арфæ ракодта регионы сæргълæууæг Сергей Меняйло. Стыр бузныг загъта ирон æвзаг фæлтæртæм фæхæццæ кæныныл чи архайы, уыцы адæмæн: ахуыргæнджытæн, культурæйы кусджытæн, журналисттæн, фысджытæн, лингвисттæн æмæ бинонты 'хсæн иронау чи дзуры, уыдонæн. Æвзагæн хъæуы стыр аргъ кæнын, уæд цæрдзæн æнусты æмæ уыдзæн рухс фидæны æвдисæн, - загъта Сергей Меняйло. Ирон ӕвзаг ӕмӕ литературӕйы боны кадӕн мадзӕлттӕ традицимæ гæсгæ райдыдтой ирон аргъуаны пантеоны. Хетӕгкаты Къостайы цыртдзӕвӕны цур дидинджытӕ сæвæрдтой регионы сæргълæууæг Сергей Меняйло, хицауады уæнгтæ, скъоладзаутæ, студенттæ æмæ ахуыргæнджытæ.
Цæгат Ирыстоны абон бæрæг кæнынц ирон æвзаг æмæ литературæйы бон. Официалон æгъдауæй йæ снысан кодтой 2003-æм азы. Баст у, фыццаг хатт Хетæгкаты Къостайы “Ирон фæндыр” 1899-æм азы 15-æм майы кæй рацыд, уыимæ. Ирон æвзаг æмæ литературæйы бæрæгбоны фæдыл республикæйы цæрджытæн арфæ ракодта регионы сæргълæууæг Сергей Меняйло. Стыр бузныг загъта ирон æвзаг фæлтæртæм фæхæццæ кæныныл чи архайы, уыцы адæмæн: ахуыргæнджытæн, культурæйы кусджытæн, журналисттæн, фысджытæн, лингвисттæн æмæ бинонты 'хсæн иронау чи дзуры, уыдонæн. Æвзагæн хъæуы стыр аргъ кæнын, уæд цæрдзæн æнусты æмæ уыдзæн рухс фидæны æвдисæн, - загъта Сергей Меняйло. Ирон ӕвзаг ӕмӕ литературӕйы боны кадӕн мадзӕлттӕ традицимæ гæсгæ райдыдтой ирон аргъуаны пантеоны. Хетӕгкаты Къостайы цыртдзӕвӕны цур дидинджытӕ сæвæрдтой регионы сæргълæууæг Сергей Меняйло, хицауады уæнгтæ, скъоладзаутæ, студенттæ æмæ ахуыргæнджытæ.