Битарты Вячеслав Мæскуыйы фембæлд а Татьяна Москальковаимæ

Цæгат Ирыстоны сæргълæууæг Битарты Вячеслав Мæскуыйы фембæлд адæмы бартæ хъахъхъæныны æххæстбарджын минæвар УФ-йы Татьяна Москальковаимæ. Æрныхас кодтой ахсджиаг фарстатыл.  Фыццаджыдæр, нæ бæстæйы регионты, уæлдайдæр та Цæгат Кавказы республикæты, адæмы бартæ куыд хъахъхъæд цæуынц, ууыл. Бæлвырд бæрæггæнæнтæм гæсгæ, УФ-йы адæмы бартæ хъахъхъæнæг алы аз дæр 40 мин курдиатæй къаддæр нæ райсы. Стыр куыст цæуы æфсæддонты æмæ барадхъахъхъæнджыты бинонты бартæ хъахъхъæныныл. Битарты Вячеслав куыд бафиппайдта, афтæмæй адæмы цард æмæ æдасдзинад æппæты сæйрагдæр сты. Уымæ гæсгæ сæ бартæ дæр хъуамæ æмбæлгæ хуызы хъахъхъæд уой. Уымæн та стыр ахъаз у адæмы бартæ хъахъхъæнынады институт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv