Схорзæхджын кодтой физкультурон спортивон комплекс ГТО-йæ хуыздæр хатдзæгтæ чи равдыста, уыдоны

Дзæуджыхъæуы схорзæхджын кодтой физкультурон-спортивон комплекс ГТО-йæ хуыздæр хатдзæгтæ чи равдыста, уыдоны. Кадджын мадзал уыд Дзæуджыхъæуы администрацийы. Сарæзта йæ горæты фæсивæдон политикæ, физкультурæ æмæ спорты комитет. Сгуыхты нысантæ алыхуызон ахуыргæнæндæтты ахуырдзаутæн радта Дзæуджыхъæуы администрацийы сæргълæууæджы хæдивæг Бæройты Хасан. Сывæллæттæн арфæйы ныхæстæ ракодтой номдзыд тхеквандисттæ, бирæ æркастыты уæлахиздзаутæ æмæ лауреаттæ, стæй зындгонд футболисттæ. Се 'хсæн Цакъоты Сæрмæт, Челæхсаты Анисия, Мæхъиты Алан, Теблойты Анатолий æмæ æндæртæ. Бæройты Хасан куыд фæбæрæг кодта, афтæмæй ГТО-йы домæнтæ сæххæст кæнынæн æнæмæнг профессионалон спортсмен уæвын нæ хъæуы. Фаг у æрвылбон физкультурæйæн гыццыл рæстæг рахай кæнын. Æдæппæтæй радтой 42 сыгъзæрин нысаны. Уæ зæрдыл уын æрлæууын кæндзынæн, Æппæтуæрæсеон физкультурон-спортивон комплекс «Готов к труду и обороне» у нæ бæстæйы цæрджыты хъомылады æххæст программæ. Йæ сæйраг хæс у дзыллон спорт рæзын кæнын æмæ æнæниз наци хъомыл кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv