Мæздæджы мартъийы мæйы мемориалон фæзуаты райдыдта рацарæзт

Мæздæджы мартъийы мæйы мемориалон фæзуаты райдыдта рацарæзт. Уæдæй нырмæ бирæ бантыст саразын. Æвæрынц брусчаткæ, бордюртæ, бындуронæй баивтой рухсгæнæнтæ, сæвæрдтой бандæттæ æмæ бырондæттæ. Объекты кусынц 10 адæймаджы. Тæвд боныхъæды аххосæй райдайынц рагацау архайын. Райсомы 6 сахатæй сихоры онг. Дарддæр та ногæй объектмæ рацæуынц изæрæй. Пъланмæ гæсгæ фæлладуадзæн бынаты æппæт куыстытæ дæр хъуамæ сæххæст кæной 15-æм сентрябры онг. Фæлæ куыстытæ æххæстгæнæджы ныхæстæм гæсгæ, фæуыдзысты æмгъуыдæй раздæр.