Закъонмæ гæсгæ

Дзæуджыхъæуы тох самадтой æнæзакъон рекламæимæ. Уыцы хæс æххæст кæнынц Дзæуджыхъæуы администрацийы архитектурæйы управленийы рекламæйы хайады кусджытæ. Рекламон фæйнæджытæ чи сæвæры, уыдонæн ма иу хатт бауайдзæф кодтой, загътой сын, цæмæй æнæзакъонæй ныхæст рекламон нывæфтыдтæ æмæ фыстæджытæ фехалой æхсæнадон рæтты. Специалисттæ ма иу хатт се `ппæтæн хъусын кæнынц - Дзæуджыхъæуы æнæ бардæттæг гæххæттытæй рекламон фæйнæджытæ чи сфидар кæны, уыдон закъонхалджытыл нымад сты. Халынц горæты аивдзинад æмæ зиан хæссынц муниципалон исбонæн. Рекламæ апарахат кæнын кæй фæнды, уыдон æппæты фыццаг хъуамæ сæ фæндаг акæной архитектурæйы управленийы рекламæйы хайадыл. Хъуамæ ацы ран бамбарын кæной, кæм æмæ сæ цавæр информаци, кæнæ рекламæ сфидар кæнын фæнды, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv