Диссаджы балц

Цæгат Кавказы Хæххон-Металлургон институты студент-блогер Мæхъиты Алик æрзилдзæн, дунеон чемпионат футболæй цы горæтты цæуы, уыдоныл. Йæ фæндаг уыдзæн 8 мин километры. Мæскуы, Ростов, Сочи, Волгоград æмæ Санкт-Петербургмæ цæудзæн машинæ «Жигули»-йы фыццаг моделыл. Цы видеотæ исдзæн, уыдон æвдисдзæн йæ YouTube «вПуть»-зæгъгæ каналы. Уæвгæ та йæ каналы æвдисы цы цымыдисаг бынæтты вæййы, уыдоны тыххæй видеоæрмæджытæ. Цымыдисаг кæмæ кæсынц, уыдон 7 сæдæйæ фылдæр сты. Ныридæгæн уал йæ каналы равæрдта чемпионаты архайæг 4 горæты тыххæй æрмæджытæ. Бонæй-бонмæ сæм чи бакæсы, уыдоны нымæц фылдæр кæны. Блогер Мæхъиты Алик: «Мæ балцы сæйраг нысан у равзæрст горæтты ма адæмæн футболæй уæлдай кæдæм ис ацæуæн ис, уый равдисын. Цавæр цымыдисаг бынæттæ дзы фенæн ис, кæнæ та рæстæг пайдаимæ кæм ис арвитын, уый. Мæнмæ гæсгæ, æндæр хæдтулæгыл куы абалц кодтаин, уæд мæ балц афтæ цымыдисаг нæ уыдаид. Уый, мæнмæ гæсгæ, ацы хъуыддагæн йæ сæйраг мидис у». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv