Радон балц

Цæгат Ирыстоны хицауады сæрдар Тускъаты Таймураз абон кусæг балцы уыд республикæйы районты. Бабарæг кодта респуликæйы цалдæр объекты арæзтад. Фыццаг уал тарниз дзæбæхгæнæн диспансер поселок Южныйы. Куыстытæ ам цæуынц æхсæвæй-бонæй. Объект декабры кæронмæ хъуамæ сцæттæ уа. Аразджытæ мидæггаг куыстытæ кæнынц. Ныридæгæн 10 корпусæй 4 рæвдз сты. Диспансеры хуыссæнуæтты уыдзæн 276 дзæбæхгæнæн бынаты. Поликлиникæ бонмæ лæггад кæндзæн 250 рынчынæн. Тускъаты Таймураз ма бабæрæг кодта республикæйы национ музей. Азы кæронмæ ам фæнд кæнынц 2 мин квадратон метры фæзуаты равдыстыты бынат саразын. 678 квадратон метры фæзуатыл та фондтæ хъахъхъæнæн уат. Хицауады сæрдары хъуыдымæ гæсгæ, аргъ кæмæн нæй, ахæм экспонаттæ хъуамæ музейы æппынæдзух æвдисой. Музейы хъуамæ адæймаг бафæстиат уа 7 сахаты. Уымæй уæлдай хицауады сæрдар уыд 12-æм микрорайоны. Уым аразынц ног скъола 500 сывæллонæн. Арæзтадон куыстытæй разыйæ баззад. Бабар кодта, цæмæй бæстонæй бакусой скъоламæ бацæуæн фæндагмæ. Хъуамæ хæдтулгæты цыд къуылымпы ма кæна. 18-æм микрорайоны 280 бынаты уыдзæн сабитæн рæвдауæндоны. Ныртæккæ йын йæ сæр æмбæрзынц. Рæвдауæндон ифтонггонд уыдзæн нырыккон домæнтæм гæсгæ. Тускъаты Таймураз ма архайдта, йе `нæниздзинад хъыгдард кæмæн у, уыдоны спартакиадæ байгом кæныны мадзалы дæр. Ныртæккæ премьер кæсы Рахизфарсы æмæ Æрæфы районты арæзтадон объекттæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv